1ºهو بعيدا عن سد النهضة يبدو ان الفنان الكبير لم يقرأ خبر ولو حتى صدفة ان مصر تعاني من الفقر المائي طب هو مشافش أى خبر عن مشروع تبطين الترع والمصارف اللي تقوم مصر به حاليا . طب يمكن ما شافش خبر ان المحافظات الحدودية منذ فترة طويلة لاتصلها مياة النيل . رغم ان كل الأخبار اللي انا كتبها قديمة ومن فترة طويلة . بس الفنان حب يتخطي حدود المنطق وربط خبرين لا علاقة لهم ببعض وهما مناورات حماة النيل وخبر تحلية المياة . ده عمل بالظبط زي اللي سمع خبر ان مصر هتساهم فى إعمار غزة ب 500 مليون دولار وتاني يوم سمع خبر الحجز على اموال محمد رمضان في البنك ويربط الخبرين ببعض . النيل له رجال يدافعون عنه بس في ناس خلف شاشات الموبايل والكمبيوتر عاوزة تاخد لقطة وتظهر في الصورة . اعتقد ان الفنان الكبير لم يطرح أى اغنية عن النيل مثل مافعل كبار المطربين