مسؤول أمريكي سابق يقر بالتخطيط لانقلابات في دول عدة

2ºيعني ايه تبقى رُبان سفينة محترف في وقت الطوفان و تعرف توصل بسفينتك لبر النجاة ؟
.
- يعني تعمل انتخابات رئاسيه في 2012 و شفيق يفوز لكن في نفس اللحظه تلاقي السفيرة الأمريكيه بتقولك كلام تاني و تلاقي اتصال من وزيرة خارجية أمريكا بتقولك فيه إحنا عرفنا إن الإخوان مش هيسكتو لو أعلنتو فوز شفيق و إنهم هينزلو الشارع بالسلاح و بصراحة مش هنقدر نساعدكو ( تهديد مبطن ) .
.
- تقوم تعمل ايه ك ربان السفينة ؟ تقول الديموقراطية و اختيار الشعب و تفتح صدرك ؟ لا غلط , دي مش فروسية , ده تهور و انتحار , ليه بقى ؟ عشان التقدير الأمني وقتها هيقولك إن نص الشعب تقريبا لسه عايش في غيبوبة إن الإخوان بتوع ربنا , و عناصر الإخوان هينزلو بالسلاح و هيساندهم ( اللي عايشين في الغيبوبه ) و إنت امنيا غير مستقر و اقتصاديا واقع و بالتالي مجرد إعلان فوز شفيق كان هيعني حرب أهلية و خراب ما بعده خراب .
.
- طب تعمل ايه ؟ سهله خالص , ماتواجهشي السيل الجارف بصدرك , انما غير مساره و خليه يوصل عندك بس بعد شوية , اعمل اللي انت عايزه بس مستقبلا , خد أمريكا عالهادي هي و تنظيمها اللي عندنا و قولهم مبروك فوز مرسي , وسيب الإخوان يحكمو سنه و يظهرو عالسطح عشان اللي في غيبوبه يعرفو و يفهمو , سيبهم بقى يعملو دستور تفصيل و يجيبو عناصر حماس بسلاحهم في مكتب الإرشاد و رئيسهم تشوفه مجرد سكرتير للمرشد , سيبهم يجيبو الإيراني سليماني عشان يخططو لعمل حرس ثوري و يفكرو يحلو الجيش و الشرطه , سيب اللي عايشين في غيبوبة يفهمو إننا قدام عصابة مش حزب سياسي ولا جماعة دينية و يعرفو إن بلدهم بتتخطف .
.
- ها و بعدين ؟ الناس فاقت من الغيبوبة ؟ كده تمام , قولهم انزلو بنفسكو شيلو اللي كنتو فاكرينهم فصيل وطني بتاع ربنا , هينزلو و يشيلوهم , طب و أمريكا ؟ ماهي هتعترض برضه ؟ وقتها امريكا تضرب دماغها في الحيط عشان انت معاك الشعب كله مش نصه , اللي هي الجبهة الداخلية ( الأهم ) .
- كده تبقى وصلت بالسفينة لبر الأمان و عملت اللي انت عايزه , و رزعت الأمريكان و جماعتهم و صبيانهم القفا اللي مش هينسوه طول عمرهم .
- الحقيقه ماتفاجئتش بتصريحات السفير السعودي السابق بالقاهره , اللي قريتها النهارده و كلامة عن فوز شفيق و عن تدخل السفيره الأمريكيه لتغيير النتيجة .
.
- كل كلمات الشكر و الإمتنان والتقدير ماتكفيش الإتنين دول , المشير محمد حسين طنطاوي وزير الدفاع و الحاكم الفعلي لمصر وقتها , و عبد الفتاح السيسي رئيس المخابرات المصرية في 2012 .