1º#ناس_كافرين
فيه ناس بتنام.
عشان تحلم بناس تانيين.
وناس سهرانه بتفكر.
ف ناس نايمين.
وناس توجع ف ناس.
والاسم بني ادمين.
وناس كان اكل عيشها الدين.
وناس خايبه ف حسبتها.
بتتعامل بنيتها.
وناس فاتحه مشاعرها علي البحري بقالها سنين.
وناس ماشيه الطريق بالعرض.
وناس قلقانه جوه قصور.
وناس نايمه السنين ع الارض.
وجعها واخدها سنه وفرض.
ممشيها الطريق مقلوب.
وناس من مده ماشيه يمين.
وناس سكتها سكه شمال.
وناسيه البركه ف السكه وراحت البال.
وان الرزق مش لازم يكون ف المال.
وان الرزق ف الصحه و بيت وعيال.
وناس تخلص ذنبوبها بناس.
وناس حافظه ومش فاهمه وصعب تتوب.
وناس كات عايشه بالعافيه وعايشه يادوب.
لكن من جوه شفافه.
وناس من جوه خوافه.
ومرعوبه من الجي وم المكتوب.
وناس سانده سنين روحها بقالبين طوب.
وناس صاحيه بقالها فتره مش نايمه.
ولما تنام تقوم مفزوعه ع الكوابيس.
وناس عايشه علي الفطره وناس اباليس.

ناس اباليس.
#احمدحنفي

---