1ºو الله ما بعرف ليش اخترعوا تفاعل الأضحكني بالفيس .. يمكن علشان يورجونا قديش في عنا مرضى نفسيين بمجتمعاتنا..
ما بعرف نحنا بشو أفضل منهم لحتى شمتانيين فيهم ..
طيب هاي الأشجار اللي عم تحترق ما هية خلقة رب العالمين .. الطبيعة مو ملكنا نحنا كل البشر و موجودة لخدمتنا ؟؟
من ايمتى نحنا أمة منشمت بمصائب غيرنا ؟؟
لأ و كمان في واحد مستدل بآية قرآنية فوق بالتعليقات و كاتبها غلط ..
نحنا أساسا ملتزمين بدينا بشكل صحيح ؟؟ قريبين من ربنا شي ؟ بس انزل على الجامع بصلاة الظهر اليوم و شوف كم مُصلي موجود ؟؟
منضحك و منشمت على الناس و نحنا آخر الأمم ..
بعدين لو فرضنا أنو تاريخهم أسود معنا ..رب العالمين بيقول بكتابه الكريم {وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ *}
بعدين حرائق الغابات بالمغرب صرلها أسبوع شغالة و لليوم ما سيطروا عليها .. عواض ما نقعد نشمت و نضحك على مصايب غيرنا و نتصرف كمرضى نفسيين خلينا نقعد ندعي لآخواننا بالمغرب أنو ربنا يجعلها بردا و سلما و يطفيها من عندو ..
النقطة الأخيرة بالمجتمع الفرنسي في ملايين المسلمين غير مئات آلاف من الجالية المسلمة اللي عايشين هناك يعني انت فعليا عم تشمت بأخوانك و ببني جلدتك كمان ..الله يهدي هل الأمة و يثبت علينا العقل و الدين و يشفي مرضى المسلمين و خصوصا المرضى النفسيين ..