1ºهو قيام الليل بيتصلى ازاي!!
قيام الليل بيتصلى زي صلاة الفجر كده ركعتين وتقول التشهد وتسلم
طب عدد ركعاته كام؟ بتوصل ل١٣ ركعة
بتبقى ركعتين ركعتين، ركعتين، ركعتين، ركعتين، ركعتين، ركعة واحدة ودي بتبق.ى اسمها الوتر.
طب انا ينفع اصلي ركعتين بس أو اربعة أو حتي ركعة واحده بس اللي هي الوتر!! ايوه طبعًا ينفع
#ملحوظه- الوتر بتتصلى مرة واحدة يعنى مثلآ بعد مااصلى العشاء بنصلي ركعتين سنة ودى من السنن المؤكدة وبعدها اصلى ثلاث ركعات شفع ووتر وممكن يتصلوا بتشهد واحد وممكن ركعتين منفصلين وبعدهم ركعة وتر لوحدها ولو ربنا كرمنا قبل ماننام أو بعد ماننام ونقوم قبل الفجر تصلى اللى ربنا يقدرك عليه حتى ولو ركعتين بس ماينفعش توتر تانى طالما وترت بعد سنة العشاء يعنى الوتر مرة واحدة بعد العشاء أو بعد قام الليل
#طب هو بيبدأ وقته من امتى!! من بعد العشاء لحد قبل الفجر واللي هو الثلث الاخير من
الليل وده الوقت المستحب عشان ربنا سبْحانه وتعالى يتنزل إلى السماء الدنيا فى الثلث الاخير.. وينادى: (هل من سائل يُعطى؟ هل من داعٍ يُستجاب له؟ هل من مستغفر يُغفر له؟ حتّى يطلع الفجر) يعنى دعوتك الصادقة فى الوقت ده.. مُستجابة بأمر الله
-ينفع تصلي ركعتين بس أو اربعة
-ينفع تتصلى فردًا لوحدك أو في جماعة، يعنى زوجتك واختك واخوك ممكن يكونوا معاك
-افضل الأدعية فى قيام الليل (اللهم إني أسألك رحمة من عندك تهدي بها قلبي، وتجمع بها شَمْلِي، وتَلُمُّ بها شَعَثي، وتَرُدُّ بها أُلْفَتِي وتُصلِحُ بها دِيني، وتحفظ بها غائبي، وترفع بها شاهدي، وتُزَكِّي بها عملي، وتُبَيِّضُ بها وجهي، وتلهمني بها رُشْدي، وتعصمني بها من كل سوء)
هو قيام الليل صلاة بس!!
-لا، القيام مش صلاة بس، بس خلينا الأول نتكلم عن الصلاة بتكون ازاي؟
اولاً: الصلاة بتكون تصلي مثني مثني، يعني ركعتين وتسلم وهكذا، بنقرأ فيهم الفاتحة وما تيسر لك من القرآن حسب مقدرتك حتي لو سوره قصيره
-بص القيام مش بيُحسب بعدد الركعات إنما بعدد الآيات، ويكونوا بعشر آيات أو بميت آية أو بألف آية أو أي عدد عمومًا، في حديث بيقول
"من قام الليل بعشر آيات. يكتب من المصلين ولم يكتب من الغافلين ومن قام الليل بمآئة آيه كتب من القانتين ومن قام الليل بألف آيه كتب من المقنطرين"
يعني هنا القيام بيُحسب بعدد الآيات وليس بعدد الركعات، كده خلصنا الصلاة
ممكن حد ميكونش عاوز يصلي ممكن يقرأ قرآن، ممكن يسبح ويستغفر، الذكر عمومًا، فهي بتكون درجات
الصلاة لأنها تشمل قرآن وذكر، وبعديها القرآن، وبعديها الذكر
#قيام الليل ياراغبين الجنة
الشيخ محمد حسين يعقوب بيقول:
القيام! مستحيل ربنا يرزق القيام لمسلم غير لما يكون بيحبه
#ربنا بينزلك للسماء الدنيا عشان بس يسمعك، يغفرلك، يعطيك، يرزقك، بيبقي مستني منك يسمع كلمة يا رب عشان يقولك لبيك يا عبدي
بيسمعك رغم لغبطتك، بكائك، ذنوبك، بيحبك أوي والله ونفسه يفرحك بس هو مستني
منك كلمه