1ºشركاء الوطن ، و مطالبهم
المساعد ابو علي خضور مسؤول مكبس الجثث في سجن صيدنايا يطالب بدولة مدنية ، و الرقيب ابو حيدر جوية اللي كان مستلم حاجز مضايا ( مجاعة مضايا ما غيرها ) ينادي بدولة علمانية ، و قناص القصر البلدي بحلب عباس مخلوف اللي قتل آلاف المدنيين للتسلية فقط بدو ع السريع انتخابات شفافة و نزيهة ( اي اي انتخابات نزيهة متل ما عم تسمع ) ، اما المحقق بفرع فلسطين الرائد جعفر معلا اللي قتل تحت التحقيق عشرات الاف المدنيين عم يطالب بحرية التعبير و الرأي ، قاضي التحقيق العسكري بفرع المخابرات الجوية في حمص اللي اصدر الاف احكام الاعدام بحق ثوار حمص و هو عم يشرب فنجان قهوة ف بيطالب بحرية التظاهر و التجمع السلمي ، مسؤول التعذيب بتدمر و بعدها بصيدنايا حسين نصّور اللي ما فيه يعد الشباب اللي خلص عليهم تحت التعذيب فهاد مهتم جدا بدستور مدني عصري يكفل حقوق المواطنة للأقليات ، و هيك يعني اللي شارك بمذبحة الحولة و بانياس و كان يجهز المدافع المحشية بالكيماوي لضرب الغوطة و اللي كان يصنع براميل متفجرة لترمى على احياء حلب و حمص و اللي كان طيار مختص بقصف احياء ادلب و دير الزور و اسواقها المكتظة و اللي كان طبيب بالمشافي عمله استخراج اعضاء المتظاهرين بعد تصفيتهم و اللي كان مختص بدفن الجثث جماعي بعد قتلهم في الافرع الامنية و اللي كان شوفير و رامي دبابة يسدد المدفع ع المساجد و المساكن و المدارس ،،،الخ هي النماذج من شركائنا في الوطن و هي مطالبها من نظامنا بعد سقوط نظامهم الأسدي .
#دمشق #ثورة #سوريا #حرية #ردع_العدوان